Romeo Subaldo

Presyo sang gatong magasaka sang masobra 3 pesos sa kada litro sa bwas.Ginpahayag sang Department of Energy nga nagakabalaka ang merkado sa epekto sa plano sang European Union (EU) sang pagkuha sang gatong sa pungsod Russia bangud sang nagapadayon nga gyera.Suno kay DOE Oil Industry Management Bureau director Rino Abad, gin-anunsyu sang EU ang pag-ban sa pag-export sang Russia sang gatong bangud ini ang ginatudlo nga ginakuhaan sang pundo nga ginagamit sa nagapadayon nga gyera.Gani bilang epekto, ang gasolina ang gina paabot nga magasaka sang 3.10 tubtob 3.50 pesos sa kada litro kag 3.80 tubtob 4.10 pesos naman sa kada litro sang krudo.Las sais bwas aga ipatuman ang saka sa presyo sang produkto petrolyo.

33 kag 51 uno sentimos per kilo watt hour nga power rate increase separado nga ipatuman sang duha ka mga utility firm karon nga bulan.Halin sa dies pesos kag nubentay dos sentimos mangin onse pesos kag kwarentay tres sentimos per kilowatt hour na ang residential rate sang Central Negros Electric Cooperative ukon CENECO sa bulan sang Abril.Ang 51 sentimos per kilowatt hour nga saka ang tuga sang dugang nga balayran sa generation,transmission charges kag system loss charges tuga man sang pagsaka sang presyo sang produkto petrolyo kag iban pa nga purchase kag pass through charges suno sa tagdumalahan sang CENECO.Ang Northern Negros Electric Cooperative ukon NOCECO ang nag anunsyo man sang dugang nga 33 sentimos nga power rate increase.Halin sa dose pesos kag sisentay tres sent...