Romeo Subaldo

Bigtime rollback sa presyo sang lpg ginpatuman. May buhin man sa presyo sang produkto petrolyo sumugod bwas.P5.75 pesos nga bigtime rollback sa liquified petroleum gas ang ginpatuman na.Gani ang 11 kilogram nga LPG tank nagahamboy na sa 1,012 pesos.May rollback man sa presyo sang produkto petrolyo.Sumugod bwas, sisentay sinko sentimos sa kada litro ang ibuhin sa presyo sang gasolina.Piso kag kinse sentimos naman ang ginapaabot nga buhin sa presyo sa kada litro sang diesel nga karon nagahamboy sa 75 pesos ang litro.Ini ang mangin ikaapat na nga rollback sa presyo sang produkto petrolyo karon nga tuig.

Nasunog sang kagab-i ang isa ka restobar sa kilid sang highway sa Barangay Sum-Ag sa Bacolod City.Suno sa BFP, nag sugod ang kalayo malapit sa kwarto sa likod sang kalan-an kag nalab-ot sini ang restobar nga himo man sa kawayan.Nalab-ot man ang second floor sang resto bar kun sa diin naga tiner ang tag iya.Electrical in nature ang gina tan-aw sang posible nga kabangdanan sang sunog. Ginabulubanta naga balor sa 75,000 pesos ang halit nga tuga sang sunog. Wala naman may nasamaran suno sa BFP.

Liwat nga gin panindugan sang National Police Commission nga idismiss ang anum ka mga pulis sadto sang Moises Padilla bangud sang planted nga ebidensya.Sa panibag-o nga desisyon nagpanindugan ang NAPOLCOM nga i-dismiss gid sa serbisyo ang anum ka mga pulis nga nag apela sa ila naha una nga desisyon nga ma dismiss sa kaso nga grave misconduct kag grave irregularities in the performance of duty.Ini may angut sa natabo nga checkpoint sa Moises Padilla sang 2017 kun sa diin gindakop kag gin bilanggo ang bise alkalde sadto sang banwa nga si Ella Garcia-Yulo kag iya bana nga si Felix Yulo III bangud nakuhaan sang shabu, mga pusil kag granada.Napamatud-an sang mag asawa nga ang tanan nga nakuha nga ebidensya ang planted lang sang mga pulis.Pito man ka bulan nga na bilanggo ang mag...