Barbara Mijares

Richard Malihan photosMatapos ang pila ka bulan nga pagsira sang lagoon sarang naman liwat nga maka jog kag maka walk ilakip na exercise ang mga pumuluyo.Suno kay Governor Eugenio Jose Lacson, istrikto nga ipatuman ang minimum health protocols.Antes pa man magsulod sa Lagoon may temperature check.Sa group exercise, tatlo lamang ang maximum suno sa gobernador.50 lamang ang tugutan nga makasulod sa Lagoon.Ang liwat nga pagbukas sang Lagoon sa publiko kasunod sang pagnubo man sang kaso sang COVID-19 sa Bacolod. 18 tubtob 65 anyos naman ang tugutan nga maka sulod sa Lagoon.

Sa siudad sang Bago, isa ka wreath laying ceremony ang gin patigayon kaina sang aga sa pagdumdom sang Cinco de Noviembre.Si Mayor Nicholas Yulo ang nagpamuno sa amo nga seremonya sa istatwa ni General Juan Araneta.Sa Silay naman, isa ka simple nga seremonya ang ginpatigayon sa plaza.Suno kay Mayor Mark Golez, mga opisyales sang siudad, katapo sang PNP kag BFP ilakip na ang barangay officials sang Brgy. 3 ang nag buylog.Suno kay Golez nangin simple ang pagtililipon sa pagdumdom sang pagkabaganihan sang mga Negrense kay wala man gina tugutan sa karon ang dalagko nga pagtililipon.Wala naman sang activity sa probinsya sang Negros Occidental pero padayon suno sa gobernador ang pagdumdom sang makahukugan nga kasaysayan.May 30 naman ka mga centenarian nga maga baton sang 1...

Ang City Legal kag General Service Offices, Talisay City Hall ang temporaryo sirado sumugod subong nga adlaw, Nobyembre 3.Base sa abiso sang Talisay Human Resource and Management magapatigayon sang disinfection sa mga talatapan kasubong man contact tracing.Magapahibalo ang siudad kun san-o liwat magabukas ang ini nga mga talatapan.Samtang, base sa report sang Talisay City Health Office may tatlo ka dugang nga kaso sang COVID-19 ang Talisay samtang may yara man dugang nga isa ka kaso nga nag ayo kag isa ang napatay.Sa kabilugan may yara na ang siyudad sang 594 ka confirmed nga mga kaso. 21 na lang ang nabilin nga active cases.

Sumugod las singko sang hapon sang Sabado, Oktubre 31, ginkakas na ang mga checkpoint kag border control sa Buluangan, Punao (Talave) kag Prosperidad sa San Carlos City.Suno kay Mayor Renato Gustilo, tutukan sang siudad karon ang pagtapna sang local transmission.Ang desisyon kasunod sang pagpatigayon sang Incident Management team sang re-assessment sa mga tikang nga ginapatuman sang siuad kontra sa COVID-19.Pero sa gihapon, ang publiko kag ang mga pumuluyo ilakip na ang mga pribado nga establisimiento ang ginapanugyanan nga pabaskugon ang pagpatuman sang health kag safety protocols nga nagalakip sang mandatory nga pag gamit sang face mask kag face shield.Ginaklaro sang lokal nga panguluhan nga ang pagbukas sang borders wala nagakasayuran nga naghagan-hagan ang away kontra s...

PCG-Neg. Occ. photoNagsugod na biyahe ang mga fastcraft para sa Bacolod-Iloilo-Bacolod trips sini nga Sabado.May tig-isa lang anay ka trip ang kada shipping line.Suno sa Coast Guard mahimo nga ginapanilagan anay sang mga operator ang biyahe.Ginpaka maayo naman sang SuperCat nga sa Nobyembre 1 na maga resume ang ila nga biyahe.Yari ang gin-release sang Coast Guard nga schedule sang Bacolod-Iloilo-Bacolod trip, sumugod Nobyembre 1.Fast craft schedule of trips:Bacolo- Iloilo:8:50AM - Ocean Jet12:20PM - Supercat3:30PM - WeesamIloilo - Bacolod:7:30AM- Supercat11:30AM Weesam2:30PM- Ocean Jet

Capitol file photoMay lima na naman ka mga sakada ukon migrant workers ang dugang nga nag positibo sa COVID-19.Suno kay Zeaphard Caelian ang commander sang Provincial Incident Management Team ang lima ang naka isolate sa karon.Humalin sang nag inabot ang mga sakada sa Negros Occidental 13 na ang nag positibo sa virus.Suno kay Caelian may pila naman sa mga nag positibo damlag pa ang nakahuman na sang ila nga 14-day quarantine.Sa tagsa ka pag abot sang mga sakada sa probinsya gikan Antique sila ang gina paidalom sa swab test kag gina quarantine. Ang mga negatibo sa virus ang sarang na mag trabaho sa mga kampo.