Barbara Mijares

Mga slaughterhouse sa anum ka mga LGU sa probinsya ang gina paabot nga iga-turn-over na sa tagsa ka natungdan nga banwa kag siudad para masugdan naman ang pag-operate sini.File photoIni suno kay Governor Eugenio Jose Lacson nga nag siling nga ini ang kabahin sang ila man nga priority para sa 2026.Ang mga slaughterhouse project nga sa idalom sang PRDP ukon ang Philippine Rural Development Project, upod ang World Bank, National Government kasubong man Provincial Government ang natukod sa Hinoba-an, Cauayan, Binalbagan, Toboso, San Carlos kag Murcia.Suno kay Lacson, ipaidalom sa training ang mga natungdan nga LGU sa pag manage sang facilities santo sa National Meat Inspection Service regulations.Sa pag operate sang mga slaugterhouse mapasiguro ang food safety, quality cont...

Ang CyberCentre kag ang Paglaum Grandstand ang maga serbe nga talatapan sang pila ka mga regional offices sang bag-o natukod nga Negros Island Region.Ini suno kay Negros Occidental Governor Eugenio Jose Lacson nga nag siling nga handa ang probinsya sa pag hatag sang hulot sa yadtong mga nag request sang lugar para sa regional office.Gina paabot nga ang establishment sang mga regional offices matigayon sa first quarter sang sini nga 2026.Ini ang ginalauman nga maga pabakod pa gid sang regional coordination kag maga paayo sang delivery sang govenrment service sa mga Negrense.Ang ini nga mga initiative suno kay Lacson ang naga pakita sang commitment sang probinsya para sa pag tin-ad kag ini ang santo nga naga sabat sa kinahanglanon sang mga pumuluyo.*

Pila ka mga sakayan pandagat ang gin-report nagkalaguba kasunod sang mabaskog nga hangin kag makusog nga balod.Sa banwa sang Manapla may mga pumpboat nga nagkalaguba sa Punta Salong kasunod sang pag-igo sang mabaskog mga hangin dugang pa nga taob.Sa siudad ang Cadiz, may yara man sang nagkalaguba nga sakayan pandagat tuga sang dalagko nga mga balod suno kay Mayor Salvador Escalante.Suno kay Department of Agriculture, Regional Director Jose Albert Barrogo padayon pa ang validation kag pag finalize sang damage report.Samtang, sa report sang Provincial Disaster Risk Reduction Management Office, ang shearline nga nagtuga sang pag-ulan sa nag kalain-lain nga bahin sang probinsya nag dala sang pagbaha sa pila ka barangay sang EB Magalona kag Cadiz pero wala naman sang may gin...

Disyembre 26 na lamang ang bilin nga working day sini nga bulan sang Disyembre.Bwas, Disyembre 24 kag 25 ukon ang Christmas day ang holiday.Gindeklarar man damlag pa ni Presidente Ferdinand Marcos, Jr nga holiday ang Disyembre 29 kag Enero 2, gani humalin Disyembre 29 tubtob Enero 2 ukon bilog nga semana ang holiday na.Enero 5 na magabalik ang trabaho sa mga talatapan sang gobyerno.Samtang sa Provincial Capitol, acting governor si Vice Governor Jose Benito Alonso, kag acting vice governor naman si Board Member Genaro Alvarez, IV.On leave si Governor Eugenio Jose Lacson sumugod sang Disyembre 20 tubtob Enero 3, 2026. Siya ang nagbiyahe pa Singapore.Suno kay Provincial Administrator Rayfrando Diaz, personal ang leave sang gobernador.

Tigayon na nga napirmahan sang mga signatories ang Deed of Donation para sa P50 million nga bulig sa mga apektado sang bagyo Tino nga gikan sa Presidental Assistance Fund.Suno kay Provincial Administrator Rayfrando Diaz, ginahulat na lamang nila ang pag-abot sang amo nga dokumento.Personal man nga ginhikut sang tiglawas sang probinsya sa Malacañang agudto matigayon tapos ang pag process sang gina kinahanglan nga mga dokumento.Suno kay Diaz, sa tion nga mag-abot na ang dokumento, iga-release sang probinsya sa mga Tino affected LGUs labi na ang sa 4th kag 5th District ang pondo ang amo nga financial assistance.Ang LGU na ang maga pat-od sang mga magabaton sini lakip na ang kantidad.Ang mga nagub-an sang balay ang maga baton sang amo nga nga bulig.*

Temporaryo ang gina-limitahan sang Corazon Locsin Montelibano Memorial Regional Hospital ang admission sini para sa mother and child cases.Ini kasunod sang Candida Auris outbreak sa Neonatal Intensive Care Unit ukon NICU.Ini ang gin-announce sang ospital sang Lunes. Tuyo sini nga malikawan ang paglapta sang amo nga tumalagsahon nga fungal pathogen kag mapangapinan man ang mga premature nga lapsag.Gin siling ni Dr Joan Cerrada, ang CLMMRH chief, nga may yara sang oubreak sa NICU. Tatlo ka mga premature babies ang apektado sang Candida Auris.Ang amo nga fungal pathogen sa masami naga apekto sa yadtong may yara sang severely compromised immune system.May 50 diyas na nga yara sa ospital ang natungdan nga mga lapsag kag sila ang gina isolate gikan sa iban nga mga lapsag....

Para sini nga bulan sang Disyembre, tubtob na lamang bwas, Disyembre 23, Martes nga adlaw ang Voter Registration sang Commission on Elections.Suno kay COMELEC Regional Director, Atty Lionel Marco Castillano, katapusan nila ang Disyembre 23 para sa naga padayon nga Voter Registration, maga resume sila sa Enero 5 na.Humalin sang pagsugod liwat sang voter registration sang Oktubre tubtob December 20, may 52,375 ka nag process sang ila nga application.35,538 diri ang sa Negros Occidental. 16,076 naman sa Negros Oriental kag 761 sa Siquijor.Suno Castillano, kinahanglan nila nga iduso ang kampanya sang voter registration kay kun mag salig lamang sila sa maga padulong sa ila nga mga talatapan, manubo ang naga pa rehistro.Ang COMELEC naga laum nga indi na maghulat ang mga l...

Provincial Disaster Reduction Management Council Emergency Operations ang ipaidalom sa blue alert status sumugod sa Lunes.Suno kay Irene Bel Ploteña effective 5pm sang December 22 tubtob 8am sang January 2, 2026 ipaidalom sa blue alert status ang PDRRMC EOC nga naga lakip sang nag kalain-lain nga ahensya kaangay sang Provincial Health Office, Police, PSWDO, BFP kag iban pa, para sa holiday celebration kag year-end activities.Nagakasayuran suno kay Ploteña nga may mga naka preposition nga mga resources nga pwede ma deploy sa ano man nga oras. May mga naka standby naman sa mga EOC sa mga nagkalain-lain nga LGU kag sa probinsya.Naga pahanumdom man si Ploteña nga sa tunga sang kasadyahan indi mag inom kag mag drive, maghalong sa gina kaon nga pagkaon kag sa tanan nga tion ipasi...

Ang Regional Peace and Order Council - Negros Island Region ang nag pasar sang resolution nga naga pakamalaot sang pag pamatay sang Communist Party of the Philippines-New People’s Army.Ini ang natigayon sa RPOC-NIR fourth quarter meeting sa Dumaguete City kag gin pamunuan ni Negros Occidental Governor Eugenio Jose Lacson sang Hwebes.Damlag pa nag patuman na sang moto proprio investigation ang Commission on Human Rights bangud sang asud-asud nga pag pamatay sa nag kalain lain nga bahin sang Negros Occidental kun sa diin gin-ako mismo sang rebeldeng grupo nga sila ang responsable.Sa amo man nga pagsinapol, nag pasar ang RPOC-NIR sang resolution nga naga duso sang pag tuga sang inter-agency committee para ma address ang mga rape incidents sa NIR.Gin pasalamatan man ni Lacs...