Ginkumpirmar ni Atty. Reuben Mikhail Sabig, pamuno sang Bacolod Traffic and Transport Management Department nga ginsuguran na sang siudad ang pagbakal sang walo ka mga bag-o nga traffic lights nga ipahamtang sa mga major intersections sa Bacolod.
Ang ini nga mga traffic lights ang may camera agud ma monitor sang BTTMD ang mga salakyan nga nagalabay sa amo nga mga dalan.
Suno kay Sabig, wala pa matumod kon san-o maabot ang mga ginbakal nga traffic lights apang ginapaabot nga sa Hunyo mabutangan na sang traffic lights ang dalan Burgos-Lopez Jaena.
Ginatun-an man sang BTTMD ang posibilidad nga i-amend ang ordinansa sang siudad agud matugutan na ang left turn sa Burgos-Lopez Jaena.
Lakip sa mga intersection nga butangan bag-o nga traffic lights amo ang Burgos – Circumferential road, Burgos – Lacson street, Lacson – B.S Aquino drive, Lacson – Rizal street, Lacson – Hernaez street, Araneta – Lizares street kag Araneta – Hernaez street.*
[sibwp_form id=1]