Detained karon sa Dumaguete Police Station ang 39 anyos nga Australian national nga si Peter Lay matapos gina alegar iya gin kidnap ang duha ka menor de edad nga anak sang iya anay live in partner sa isa ka hotel sa Dumaguete City sang Dominggo.
Kahapon na rescue sang kapulisan sa follow up operation ang siyam kag tatlo ka tuig nga bata sa gina rentahan nga balay sang Australian national sa Barangay Estefania sa Bacolod.
Suno kay Police Major Jun Ray Batadlan, hepe sang Police Station 4, gin kuha sang foreigner ang duha ka bata gikan sa iya anay live in partner nga wala sang permiso
Bangud iya luyag kun tani nga mag balik sa iya ang anay partner.
Amo ini ang gin himo nga paagi sang suspek suno kay Batadlan para liwat maka upod ang anay partner.
Gin aresto man sang kapulisan ang kabulig sang babayi nga si Edlyn Gelantagaan nga amo ang gina alegar nag tudlo sa kay lay kun diin ang mga bata.
Kaso nga kidnapping ang ipasaka batuk sa mga gindakop.