Padayon ang pag degas sang bulkan Kanlaon upod ang ashing event ukon ang pagbuga sang bulkan dala ang abo.
Sa record sang Phivolcs sini nga adlaw, suno kay Mari-Andylene Quintia ang resident volcanologist sang Kanlaon Observatory sa La Carlota City humalin las 10 sang aga tubtob las 11 sang aga, may lima ka pag buga dala ang abo, rason nga makita ang grayish nga kolor.
As of press time, ashing event pa lamang ang ila nga report kag wala pa sila sang may nabaton nga ash fall report.
Suno kay Quintia may ash fall sila nga na monitor sa pila ka bahin sang Brgy Yubo sa La Carlota City kag sa Rafael Salas Park and Nature Center sa Bago City kahapon pa.
Pero mas madamo naman nga lugar ang apektado sang baho sang asupre nga naga lakip sang Barangay Haguimit, La Granja kag San Miguel sa La Carlota kag Ilijan proper kag Guintubdan sa Bago City.
Suno kay La Carlota City Mayor Rex Jalandoon, dala sang madugay na nila nga pag panghanda, nakahibalo na ang mga pumuluyo kun ano ang himuon sa kasubong nga sitwasyon.
Wala pa man sila sang may nabaton nga report may kaangtanan sa respiratory related illness.
Nagakaapektuhan naman ang ila nga source sang tubig kun may mga volcanic quakes, pero ini ang ginahandaan man paagi sa water infiltration system nila.
“Ash fall wala, pero may ara kami na record nga ashing events sini mga around 10 to 11 am. Northwest gihapon ang drift sa subong, most likely ang affected Bago City to Murcia. Amo na na areas. Indi sya daku ang plumes nga na generate pero may five ka pag pusnga-pusnga”, suno kay Quintia.