Pila ka minutos matapos nga matiruhan ang katapo sang Philippine Army nga si Sgt. Alfort Tito, gilayon man nga nadakpan sang kapulisan ang nagtiro sa iya.
Si Tito ang mabakal lang kuntani sang iya maintenance medicine sa San Carlos City proper sang matiruhan sa Sitio Takas, Brgy. Palampas, San Carlos City, kahapon sang udto.
Sa hot pursuit operation nadakpan ang duha ka mga suspetsado nga ginkilala nga sanday Jobert Gimarangan kag Alfie Raganas pareho nga residente sang banwa sang Calatrava.
Suno kay Negros Occidental Police Provincial Director Police Col Rainerio de Chavez, yara na sa estable nga kondisyon ang soldado. Ginahibalo pa nila kun ano gid ang motibo sa pagpaniro. Na-recover sa mga suspek ang 162.67 grams sang suspected shabu nga nagablor sang P1,106,156,
2.47 grams sang suspected marijuana, tatlo ka empty shells sang .45 caliber nga armas, 24 ka .45 caliber live ammunitions, isa ka granada, kag pila pa ka mga non-drug items.
Ginalantaw naman nga personal nga kaakig ang motibo sang pagpaniro sa biktima.
Padayun naman ang imbestigasyon sang San Carlos City Police Station sa amo nga insidente.