Gina abi-abi sang pamuno sang Army sa Negros ang unofficial nga cessation of hostilities karon nga nagatutok sila bisan pa ang rebeldeng NPA sa pag hatag sang bulig sa mga naapektuhan sang bagyo.
Suno kay Brig Gen Inocencio Pasaporte ang pamuno sang 303rd Brigade sang Philippine Army wala sang deklarasyon sang ceasefire ukon untat lupok pero kay tungod sa natabo nga bagyo, tigaylo gina abi-abi niya ang pagbinuligay sang tanan.
Labing apektado ang Kabankalan kag Sipalay kag sila ang naga hatag sang bulig sa clearing operation labi na sa mga nabukid nga mga barangay kag padayon nga na-isolate suno kay Pasaporte. May mga napulo pa ka mga barangay suno sa iya ang na-isolate kag tigayon nila ini nga gina lab-ot.
Ang tropa sang militar gikan sa Northern kag Cental Negros ang na deploy na sa Southern Negros para mag bulig suno sa iya.