Gina abi-abi man sang militar ang motu proprio investigation sang CHR sa mga pag pamatay sang NPA, pero luyag man kuntani sang Army nga kondehan man sang ahensya ang amo nga mga lihok.
Suno kay 303rd Infantry Brigade Commander, B/Gen Orlando Edralin, sila ang naka pakig angut sa pamuno sang CHR Region 6.
Suno kay Edralin ginsiling ni Christopher Montano sang Commission on Human Rights Region 6 nga indi sila ang ahensya nga maga patuman sang imbestigasyon sa amo nga mga kaso pero makahatag sila sang suporta para sa mga biktima.
Suno kay Edralin gusto tani nila nga lantawon ini sang CHR sa mas malapad nga perspective kasubong man pakamalauton ang amo nga pag pamatay.
Ginsiling na damlag pa ni CHR Negros Occidental Head Vincent Parra nga sila ang maga patuman sang motoproprio investigation nga nagalakip sang pagpatay sa isa ka babaye sa Kabankalan City kag isa pa gid ka pag pamatay sa banwa sang Calatrava.
Sa ginpa gwa nga mga pahayag sang rebeldeng NPA may walo ka pag pamatay ang ila nga gin ako sa bulan sang Abril kag sini nga Mayo.