Pamuno sang Commission on Elections ang naghatag sang isa ka bulan para tigayon ma consolidate paagi sa PJSCC ang secuity plan kag recommendation sang Philippine Army kag PNP para sa gina paabot nga piniliay.
Suno kay Atty Lionel Marco Castillano ang Regional Director sang COMELEC – NIR, sa ginsakdag nga Regional Joint Security Control Center meeting sang Sabado, wala pa sang security plan nga naga isa sang recommendation mismo sang militar kag PNP bahin sa areas of concern.
Gani ginhatagan niya sang isa ka bulan para ini ang mahuman paagi sa PJSCC. Lakip man sa deadline ang contingency plan para sa bulkan Kanlaon.
May duha ka semana ang tagsa ka banwa kag siudad para mahuman ini upod ang PNP, ARMY kag Disaster Risk Reduction Mamagement Office kag Department of Education.
Sa ikatlo nga semana iga review ini sang PJSCC kag pagkatapos sini iga submit sa RJSCC.
“Yung security plan kasi hindi pa na fuse from the army and the PNP. So I have asked them to sit down as PJSCC and come up with a security plan, contingency plan including the election areas of concern. Within one month yan hinihingi ko sa kanila. Nagbigay lang ako ng guidance. Kasi may recommendation si army, may recommendation si PNP. Kailangan pang i-fuse yung mga recommendation nila”, suno kay Castillano.