
Wala na sang sightings sang ginapatihan armado nga grupo nga damlag nasiplatan sa area sang Police Station 10 sa Bacolod sang nagligad nga sinemana.
Pero ginpahayag ni BCPO Director Police Colonel Joeresty Coronica nga sa gihapon nagapabilin ang hugot nga pagbantay sang kapulisan agud mabalabagan ang ano man nga plano sang wala pa matumod nga grupo.
Ginsiling ni Bacolod Election Officer Atty. Revo Sorbito nga sa pihak sang na-report nga insidente, indi ini maka-apekto sa status sang siudad nga nagapabilin nga yara sa green category ukon wala sang nakabig nga security threat karon nga nagsugod na ang election period.
Sa ginpatigayon nga pagsinapol sang katapo sang Joint Security Control Center, wala sang na-monitor nga intense political rivalry kag election related violence sa siudad.