Apat ka mga katapo sang New People’s Army nga naka engkwentro sang militar sa Escalante City, nag-surrender.
Nagsungka ang apat ka mga katapo sang Northern Negros Front sang New People’s Army nga mga naka engkwentro sang militar sang Pebrero sa siudad sang Escalante.
Base sa report, kabahin ang mga ini sa grupo ni Arnel Tapang.
Nagpalagyo padulong sa Manila ang duha sa ila pagkatapos sang encounter nga nagluntad kag gilayon man nga nagsurrender didto, gani ginbyahe ang mga ini pabalik sa Negros Occidental kag yara na sa karun sa paghinakop sang 79th IB sang Philippine Army.
May isa pa ka NPA ang nagsungka diri sa probinsya matapos mahibaluan nga nagsurrender na ang iya mga kaupdanan.
Gintudlo naman nila kun diin natago ang ila nga mga armas.
Mapaidalom sila sa amnesty program sang militar kag Escalante City Task Force to End Local Communist Armed Conflict.