Anti-drug campaign sa mga eskwelahan ginapatigayon sang City Anti-Drug Abuse Council sa Bacolod.
Ginsugdan na sang katapo sang CADAC nga ginalakipan sang Bacolod-DSSD upod sa PDEA, Bacolod City Police Office, DILG kag civic organization ang anti-illegal drug symposium sa mga eskwelahan sa siudad.
Ginsiling ni CADAC secretariat Lordielyn Joy Pereyra, 24 tanan ka mga secondary schools ang ila luyag malab-ot kabahin sang tikang kontra iligal nga droga.
Damlag pa, ginmando ni Mayor Albee Benitez ang all out war batuk sa illegal drugs paagi sa massive information and education campaign.
Mga senior high school students ilabi na ang mga nagapuyo sa mga drug affected barangays ang tuyo sang CADAC nga mapaiway sa epekto kag halit sang illegal drugs.
Nangin pamaagi man ini sang Bacolod LGU sa pagpasanyog sang barangay anti-drug clearing program.