Shadow

Ano ang GCQ with restrictions?

Venue capacity sang pila ka mga establishmento komersyal pati na mga social kag religious gatherings siudad sang Bbacolod ang ginpanubuan Sa idalom sang general community quarantine with heightened restrictions.

Sa ginpa gwa nga Executive Order No. 39 ni Mayor Evelio Leonardia, ginadumilian ang pag-operate sang indoor tourist attractions, gym, mga entertainment venues, sinehan, club, karaoke bar, internet cafe,billiard hall, casino kag iban pa nga betting venues, ilabi na ang bulang humalin Hulyo dise sais tubtob 22.

Ginakinahanglan man magpabilin sa puluy-an ang mga naga edad 18 anyos panubo kag 65 anyos pasaka kag may mga co-morbidities.

Bukas naman para mag-operate ang mga public transportation. Pero kasubong sang mga establishiemento komersyal, mga outdoor restaurant limitado lamang ang venue capacity sa 30 porsyiento.

20 percent ang pwede para sa dine-in services.

30 porsyiento naman ang sarang makasulod sa mga salon, barber shop kag iban pa nga sahi sang personal care services.

Limitado naman sa dies porsyiento ang venue capacity sa misa sa mga simbahan.

Sandig sa mandu, ginapaiway gihapon ang mga pagtililipon kasubong sang mga party sa gwa man ukon sulod sang balay, magluwas lang sa haya.

Indi man maka-operate ang meetings, incentives, conferences and exhibitions ukon mice.

Magapabilin man ang curfew hours with exemptions sa las dies sang gab-i tubtob las kwatro sang kaagahon.

Igapatuman gihapon ang liqour ban.

Leave a Reply

Your email address will not be published. Required fields are marked *

Secured By miniOrangeSecured By miniOrange