Ginhugpong nga pwersa sang mga animal welfare group nag-rally sa Bacolod Public Plaza agud ipanawagan ang pagpabaskog sang kampanya kontra sa animal cruelty.
Suksok ang ito nga mga panapton kag dala ang mga litrato sang gin-alegar ginpatay nga ido nga si Cindy ukon Maria nag-martsa ang mga katapo sang animal rights group sa Bacolod Public Plaza sang Domingo.
Sa atubang sang San Sebastian Cathedral mas nagbaskog ang ila pagsinggitan para manawagan sang hustisya para sa mga ido nga gin-alegar ginpamatay sa sulod sang compound sang Cathedral.
Si Bishop Patricio Buzon sang Diocese of Bacolod ang damlag pa ginhimutig ang akusasyon sang grupo angut sa pagpamatay sang ido. Ginpaathag sang obispo nga wala sang mando gikan sa simbahan angut sa pagpatay sang mga hinuptanan kag wala nila ginatolerar ang pag-abuso sa mga ido kag kuring.
Sa pihak sini padayon nga ginahinyo sang animal rights group nga mapatuman ang imbestigasyon sa natabo nga pagpamatay sang ido kag kuring sa bulig sang mga saksi nga kadam-an diri naga-trabaho sa compound sang cathedral.