Patay ang 45 anyos nga si Elmer Cueva samtang pilason ang iya sini upod nga nagadala sang motor nga si Jerald Bulanon matapos sila nga gin tiro.
Ang duha ka biktima ang gikan sa Escalante City nga naga pang repair sang TV kag padulong sa ila kliyente sa Calatrava sang sila ang gin sundan sang duha ka persona sakay sa motor.
Suno sa PNP posible indi man taga Calatrava ang mga suspek. Natabuan lang nga didto nila natiruhan ang mga biktima.
Natumba ang mga ini kag nag palagyo apang sila ang ginlagas pa sang mga suspek kag liwat gin luthang. Patay sa pag paniro si Cueva samtang si Bulanon ang may igo lang sang bala sa iya sini kamot.
Padayon pa ang imbestigasyon sang PNP sa pag paniro bangud mismo ang naka salbar nga biktima ang wala man makabalo kun ano ang rason sa pag luthang sa ila suno sa pulis.