Isa sa mga pagpanghangkat nga gina atubang sang Emergency Operation Center sang Bacolod amo nga may mga indi luyag mag paidalom sa swab test.
Ini sila mga close contact ukon yadtong mga may gina batyag pero wala nagapabutyag sang matuod nila nga kahimtangan.
Isa sa mga rason nga nakit-an amo nga indi ang mga natungdan gusto mag paidalom sa quarantine.
Suno kay Dr Chris Sorongon sa bahin sang siudad ini sila ang gina balikan kag gina kumbinsi.
Ginapahangup ang importansya sang contact tracing kag pag pat-od kun nagpositibo sa virus para malikawan pa ang paglaton sa iban.
Pero kun mag pamalibad pa gid, suno kay sorongon ini ang iga pa blotter kag iga refer sa City Legal Office para sa naga kaigo nga aksyon ilabi na nga ang pagpamalibad sa pag pa swab paglapas sa public health protocol.
“Kun indi pa gid naton ma kumbinsi ang next naton na obrahon ipa blotter ta gid na sila sa pulis. And then we will refer it to our City Legal Office for appropriate legal action. Kay te ang refusal is in violation with RA 11132. Kinahanlan na ya we are in a pandemic and covid is a contagious disease we really have to abide with the protocol,” suno kay Sorongon.