Anay katapo sang New People’s Army patay sa pagpaniro. Ginpaulanan siya tiro sang mga armado. Patay si alias Tolendoy, 63 anyos matapos nga ginpaulanan tiro sa Spur 2, Brgy. Minapasok banwa sang Calatrava sang Miyerkules sang gab-i.
Sa imbestigasyon sang Calatrava PNP, yara sa gwa sang iya nga balay ang biktima upod ang iya sini nga utod sang may nag-abot nga apat ka mga armado nga persona kag gilayon nga gintiro ang biktima.
Matapos ang pagpaniro, gilayon nga nagpalagyo ang mga suspek.
Gilayon nga gindala sa ospital ang biktima apang gindeklarar nga dead on arrival.
May napulo siya tanan ka mga igo sang bala sa lawas. Gina usisa pa sang PNP ang ini nga kaso.