Ginkumpirma ni Police Major Rhazl Jim Jocson, ang deputy chief sang Talisay City PNP nga nagpadulong na sa ila nga opisina ang ginikanan sang lapsag nga ginbilin sa jeep sadtong Hunyo 8.
Suno sa pulis, ang amay sang lapsag ang indi makatulog sa ila nga ginhimo gani nagpanugid ini sa iya lola nga amo naman ang nag upod sa iya sa pagkadto sa pulis.
Naga edad sang 20 anyos ang babaye kag lalaki.
Base man sa panaysayon sang iloy sang bata sa pulis, ginatago-tago niya lang ang iya nga pagbusong.
Dugang pa sang PNP, maga depende na sa City Social Welfare ang Development Office kag City Legal Office ang pagpasaka sang kaso batuk sa duha.
Sa subong ginapaidalom sila anay sa counseling sagh CSWDO.