Anay Acting Treasurer sang banwa sang Isabela ang sa karon naga pangatubang sang kaso nga grave misconduct, serious dishonesty kag malversation of public funds.
Matapos ginpatigayon ang preliminary investigation, base man sa na submit nga investigaton report, napapanaog nga show-cause order, lakip na ang sulat ni Mayor Irene Montilla sang Isabela, PNP blotter report kag Commission on Audit report, ginpapanaugan sang administrative charges si Nenette Escarda.
Miyerkules nabaton ni Escarda, nga cashier 1 sang gobyerno probinsyal ang formal charges sa iya angut sa iya nga pagdala kag pagkadula sang 2.6 million pesos nga cash kag 3.8 million pesos nga tseke sa iya nga balay sa Bacolod sang Enero.
Angut sa administrative cases nga gina pangatubang, gin papanaugan man siya sang 60-day preventive suspension agudto suno kay Provincial Legal Officer, Alberto Nellas, Jr., mapangapinan man ang integridad sang investigation kasubong man ang ebidensya.
Magluwas sini, sa cash examination sang COA may irregularities man nga nakit-an sa iya sini nga cash accountability.
Magalawig sang poc o mas o menos 60 ka diyas suno kay Nellas ang imbestigasyon.