Shadow

Pagpanakop sang colorum nga jeep pabaskugon

Indi lang colorum nga tricycle ang tagaan atensyon sang siudad sang Bacolod, pati ang tikang kontra colorum nga mga jeep ang liwat man nga pabaskugon sa Bacolod matapos ma-extend ang prankisa kag provisional authority sang mga traditional jeepney.

Nakigsapol ang grupo sang mga driver kag operator sang modernized jeepney kay City Administrator Pacifico Maghari, III, upod sa kapulisan sa Bacolod City government center kaina sang aga.

Ini makaligad man ginpahanugutan sang Land Transportation Franchising and Regulatory Board ang liwat nga extension sang prangkisa kag provisional authority sang mga traditional jeepney tubtob Hunyo 30.

Gina-abi abi ini sang grupo sang mga traditional jeepney operators samtang ginakabalak-an man sang grupo sang mga modernized jeepney ilabi na nga may bulanan sila nga balayran sa pagkuha sang mga modern jeep sang ginsuguran ang public utility vehicle modernization program.

Ginpasalig naman ni Maghari ang pagpasiguro nga masaligan pa ang mga traditional jeepney nga ila gina-validate para matagaan sang special permit sang LTFRB.

Kasubong sang pagpanakop sang colorum tricycle sang natukod nga task force kontra colorum tricycle, ginapaabot man sang siudad ang pagpanakop sa mga colorum nga jeep pinaagi sa Land Transportation Office.

Secured By miniOrangeSecured By miniOrange