Anay Department of Social Welfare and Development Officer sang Cadiz City ang maga bulos sa pwesto nga mabakante ni councilor Frances Guanzon nga damlag pa nagsubmit sang iya nga resignation.
Nanumpa na sa United Negros Alliance sini nga Biyernes nga adlaw si Winona Balagosa.
Si 2nd District Rep Alfredo Marañon, III nga amo man ang chairman sang UNegA ang nag pasumpa kay Balagosa nga gin saksihan ni Cadiz Mayor Salvador Escalante, Jr kag nagapungko man nga Secretary General sang partido kag mismo si Councilor Guanzon.
Suno kay Escalante, si Balagosa ang napilian sang partido nga maga bulos kay Guanzon nga magabiya sa iya nga pwesto effective sa bulan sang Hulyo.
Suno kay Escalante sa Hunyo 30, maga panumpa sa iya nga katungdanan si Balagosa bilang konsehal. Las 12 sang udto sang Hunyo 30 magatapos naman ang pag pungko ni Guanzon sa pwesto.
Health reasons ang natumod ni Guanzon sa iya resignation letter.
“We selected Ma’am Nona Balagosa, kay kabalo ka si Judge Guanzon damo ni siya chairmanship when it comes to social welfare committees sang siudad. Siling ko there’s no better person nga makabulos sa iya with enough expertise other than Nona Balagosa our former DSWD head”, suno kay Escalante.
[sibwp_form id=1]