Ginahuring-huring man ang mahimo pagpapili ni anay congressman John Orola bilang gobernador sa probinsya pero siya mismo suno sa iya ang nakibot man sa amo nga mga istorya.
Suno kay Orola, wala siya sang plano nga magpapili. Kag masako siya sa pagbulig sa Bacolod sa trade, tourism and investment programs sini bilang consultant.
Ang luyag niya nga kuntani may pag isa ang Bacolod kag Negros Occidental sa mga programa sini.
Natapos na siya sa pulitika suno sa iya pero kun ano ang desisyon sang pumuluyo lantawon niya ini sa masunod nga mga inadlaw.
Kun bala nagsaylo gid man siya sang iya nga voter’s registration naga pabilin ini sa Bacolod. Agudto makapapili sa provincial post dapat registered voter ang isa ka persona sa banwa ukon siudad nga sakop sang Negros Occidental.
“Siling ko dapat ang Negros kag Bacolod mag-isa. We should be one sa pag plano. Daw masterplan plan bala nga kun ano ang ara sa Bacolod pakadto sa norte, pakadto sa sur sang Negros Occidental basi na misinterpretar ako sina. Kay amo na ginahambal ko pirme. (Naka transfer ka registration to any LGU sa Negros from Bacolod City?) Indi pa ko kahambal sina guro. Daw wala pa man ko. Tan-awon ko lang anay. Ara pa ko sa Bacolod. Ginkuha nila haw? (Kun madalagan ka gobernador dapat registered voter ka outside Bacolod) wala pa man ko ka decision sina,” suno kay Orola.