Mas nagsanag liwat ang 3rd floor sang SM City Mall sa pagbukas sang mga amusement arcade.
Gani makit-an man ang pagbalik sang mga menor de edad sa mga mall.
Ginpasiguro sang mall management nga nag-agi sa inspection ang mga amusement arcade agud mapasiguro ang pagpatuman sang minimum health protocol.
Ginahanda naman sang tagdumahalan sang pila pa ka mall ang pagbukas sang amusement areas.
Sa idalom sang alert level 2 ginapahanugutan na ang pag-operate sang amusement arcade kag bisan ang pagsulod sang mga magagmay nga kabataan sa mall.
Butang nga ginakabalak-an naman sang katapo sang Emergency Operations Center bangud kadam-an sa mga naga-edad dise siete anyos panubo ang wala pa mabakunahan.
Hugot nila nga ginapangabay sa mga ginikanan nga kuntani hagan-haganon lang anay ang paglagaw sa ila mga kabataan bisan pa amat amat na nga ginahalugan ang mga travel restrictions.