Mga pet owners upod sa animal welfare group desidido magpasaka kaso sa foreign national nga naghilo sa mga layaw nga ido.
Sa hearing nga ginpangunahan sang lupon sang Barangay Singcang-Airport emosyonal nga ginsaysay sang American National nga si Bart Sibrel kun ngaa nahimo niya nga hilo-an ang mga layaw nga ido nga suno sa iya makapila naman ka beses nga iya ginreklamo sa hotel management kag mga natungdan.
May sakit ang iya asawa nga Pinay kag pati siya ang indi makatulog bangud masami naga tinaghol ang mga ido sa gwa sang hotel nga ila ginatiniran sa sulod sang masobra 1 na katuig.
May mga tag-iya sang ido nga nag serbe tagreklamo kag nagtindog saksi nga nagbaliskad kag nag isol para sa gintanyag nga areglo sang foreigner.
Butang nga ginkaakig sang katapo sang Community Animal Rescue Efforts ukon CARE.
Ang pila ka mga tag iya sang ido upod sa animal welfare group handa nga magtindog tagreklamo agud mapasakaan sang kaso ang foreign national.