Yara sa 1,577,600 pesos ang balor sang gina alegar shabu ang nakumpiskar sa ginpatigayon nga drug buy-bust operation sang City Drug Enforcement Unit nga ginpatigayon kaina sang kaagahon sa Purok Sigay, Barangay 2, siudad sang Bacolod.
Duha ka bugkos nga plastic kag apat ka sachet sang iligal nga droga nga naga bug-at sang 232 grams ang nakuha gikan sa mga subject sang operation nga sanday Michael John Tabara kag Janclyde Pillora.
Si Michael John Tabara ang ginakabig nga High Value Individual Drug Personality sang kapulisan.
Detained karon sa custodial facility sang PNP ang duha ka nadakpan samtang ginahanda na ang mga dokumento sa pagpasaka sang kaso nga paglapas sang Republic Act 9165 ukon Comprehensive Dangerous Drugs Act of 2002 batuk sa ila.