Patay ang 43 anyos nga si Jimmy Abellar Sr. samtang pilason naman ang iya junior, matapos maipit sa bungguanay sang Sabado sa highway sang Barangay 2 sa EB Magalona.
Sa imbestigasyon sang PNP, naga dalagan padulong norte ang motor sang mag-amay kag ini ang may gina sundan nga utlity van.
Sila ang pareho na nga nag signal nga magaliko pawala kuntani padulong sa proper sang EB Magalona sang hinali mag bunggo ang naga sunod naman nga dump truck sa motor.
Ini ang nag rekta pa kag gindala ang motor tubtob nga mabunggo sa van.
Patay ang amay samtang padayon nga gina bulong ang anak.
Detained man sa EB Magalona PNP ang driver sang truck.
May initial settlement naman sa drayber kag pamilya sang mga biktima suno sa PNP.