Arestado ang 33 anyos nga lalaki matapos niya gin-hold-up kahapon ang duha ka loan collector sa Barangay Caliban sa banwa sang Murcia.
Sa imbestigasyon sang PNP, ginlambatan sang suspek ang motor sang duha ka collector kag gintayaan sang baslay.
Iya gin kuha ang 7,800 pesos nga cash sa bag sang isa ka biktima.
Matapos ang pag hold-up, siya ang nag taklas sa ibabaw sang taytay.
Iya man ginbilin suno sa pulis ang kwarta nga iya ginkawat pati na ang iya sini panapton sa idalom sang taytay.
Suno kay Major Mark Joeil Reclamado, hepe sang Murcia PNP, nakainom sang amo nga tion ang suspek kag masami gid man ini naga maoy sa ila lugar.
Gina alegar may diperensya man sa pamensaron ang suspek suno kay Reclamado bangud sa masami ini naga suyop sang rugby suno man sa mga pumuluyo.
Detained siya karon sa Murcia PNP.