Patay ang isa ka amay, samtang duha ang pilason, lakip na ang suspek sa pagbinun-anay sa Purok Maabi-abihon, Barangay Sag-ang sa banwa sang La Castellana, kaina, Lunes sang kaagahon.
Patay ang amay nga ginkilala kay alyas “Junery”, samtang pilason ang 12-anyos nga babaye, kag ang 40-anyos nga suspek nga si alyas “Lemuel”. Tanan sila ang residente sang Brgy. Sag-ang.
Ang suspek kag ang biktima ang magparentehanay.
Base sa imbestigasyon sang pulis, Domingo sang gab-i, ginhagad nga mag-inom ni alyas “Arnel” sa ila balay ang lima niya ka mga paryente, lakip na ang biktima kag ang suspek.
Apang bangud sang kahulugbon, nagbinaisay sila. Nagkuha ang suspek sang patalum sa kusina kag ginbuno ang biktima. Nag-ginual kag napilasan man ang menor de edad nga babaye kag ang suspek.
Narekober sa crime scene ang binangon nga gingamit sa krimen.
Gindala ang minor kag ang suspek sa ospital sa Bacolod.