Patay ang amay nga si Benbenido Dela Cruz kag iya duha ka menor de edad nga anak matapos maka bunggo sa naga park nga truck ang ila gina sakyan nga motorsiklo sa highway sang Barangay Cabahug sa Cadiz City.
Sa imbestigasyon sang PNP, naga dalagan gikan sa elementary school padulong norte nga bahin sang dalan ang motor nga gina sakyan sang mga biktima sang hinali na lang ini mag rekta sa truck nga naga park sa kilid sang dalan.
Aberyado ang amo nga truck suno sa pulis apang may yara man ini sang early warning device.
Posible suno sa pulis nga nasilawan ang amay sa sugata sini sa pihak nga lane gani wala niya makita ang truck nga naga park sa kilid sang dalan.
Dead on arrival ang amay samtang sa ospital naman gin bawian sang kabuhi ang iya duha ka anak.