Magapabilin nga yara sa idalum sang General Community Quarantine ang Bacolod City tubtub sa katapusan sang bulan sang Nobyembre.
Base sa executive order, ginapahaylo sa gihapon nga magpabilin sa sulod sang panimalay ang mga naga edad 14 anyos panubo kag 65 anyos pasaka ilabi na ang mga may balati-an kag nagabusong.
Pahanugutan naman ang 30 percent seating capacity sa mga lugar nga ginahiwatan sang religious gatherings.
Damlag pa, ginpahayag ni Bacolod Mayor Evelio Leonardia nga handa na mag downgrade sa Modified General Community Quarantine ang siudad bangud tuman na ang pagnubo sang kaso sang COVID-19 pero wala ini ginpahanugutan sang National IATF.
Ginatinguhaan sa gihapon sang lokal nga pangulohan ang pag appeal sa NIATF sa pag downgrade sang community quarantine status sang siudad.