Arestado kaina sang kaagahon ang 27 anyos nga si Justine Estaniel ukon Alyas Tarzan matapos makuhaan sang 204 mil pesos nga balor sang ginapatihan shabu.
Si Estaniel ang gindakop sa buybust operation sang PNP sa Purok Mainabyanon sa Brgy Singcang Airport.
Anum ka sachet sang suspected shabu ang nakuha sa iya.
Samtang, arestado man sa buybust operation sa Barangay 8 sa bacolod sang sabado ang drug den maintainer nga si sherly villanueva. Walo ka sachet sang ginapatihan shabu nga nagabalor 81 mil pesos ang nakuha sa iya.
Suno sa PDEA, ginagamit sang suspek ang iya balay nga suluyupan sang mga driver kag helper sang mga truck sa BREDCO port.
Tatlo pa ka mga persona ang nadakpan sa amonnga buybust.
Kaso nga paglapas sa RA 9165 ang atubangon sang mga gindakop.