Sharing sang water resources sa tunga sang Bacolod kag Negros Occidental ang ginalantaw.
Ini suno kay provincial consultant kag Bacolod Mayoral aspirant Albee Benitez nga nagsapol kay Negros Occidental Governor Eugenio Jose Lacson, Biernes sang aga.
Suno kay Benitez, 70 percent sang mga pamalay sa Bacolod City ang wala sang 24/7 nga supply sang tubig.
Isa sa ginalantaw rason amo nga shortage sang tubig sa mga deepwell kag sa tion sang tig-ilinit gina lantaw nga mas ma apektuhan pa gid ang supply sang tubig.
Rason suno sa iya nga gintalakay sa gobernador ang posibilidad sang bulk water supply para sa Bacolod City nga sarang makuha sa kabukiran sang probinsya.
Ang Prime Water Bacolod City nga naga serbe nga distributor suno kay Benitez ang naga kinahanglan sang nagakaigo nga source sang tubig para sa masobra 200,000 ka mga household sa siudad.
Suno naman kay Negros Occidental Governor Eugenio Jose Lacson ang amo nga bagay mas nagakaigo talakayon pagkatapos sang eleksyon.