Mismo si Agrarian Reform Secretary Bernie Cruz ang nag panguna sa distribution sang 4,720 ka ektarya sang duta sa 4,754 ka mga agrarian reform beneficiaries sa nagkalan lain nga bahin sang Negros Occidental.
Sa programa nga gin hiwat sa Sipalay City nag apela si Cruz sa mga mangunguma nga indi pag ibaligya, i prenda ukon pagpabay-an ang ila nga duta para may mabilin pa sila sa ila nga mga kabataan.
Nagpasalig man siya sa sa idalom sang iya nga pagpamuno, doblehon pa gid sang DAR ang ang pagpaningwa nga mapanagtag na ang mga duta nga tubtob karon wala sa gihapon mahatag pa sa mga mangunguma.
Tuyo nila nga mapanagtag ang may kapin sa tunga sa milyon tanan ka ektarya sang duta sa bug-os nga Pilipinas antes matapos ang termino ni Presidente Rodrigo Duterte.