Sa pag abot pa lang ni incoming mayor Albee Benitez naga hinugyaw na ang mga supporters nga naga hulat sa iya. Sa iya una nga pag sulod sa Bacolod City Government Center bilang incoming mayor, mas nagkusog pa gid ang hinugyaw sang supporters.
Naka kuha sang masobra sa siyento stentay uno mil nga boto si Benitez samtang masobra sa siyento siyete mil naman ang nakuha ni incumbent Mayor Evelio Leonardia. Suno kay Benitez ang mga tawo sa Bacolod nga luyag mag dala sang pagbag-o sa Bacolod.
Plano niya man magtukod sang transition team nga amo ang maga lantaw sang records sang Bacolod kag luyag niya suguran ang mga gin pangako niya sa mga Bacolodnon sang naga kampanya siya.
Sa proclamation, yara man ang misis sang incoming mayor nga si nikki Benitez. Pila man kuno ka gab-i nga indi siya katulog bangud ang iya anak nga si Javi nagpapili man sa Victorias.
Sa procalamation, kompleto ang tanan nga nag dinaog. Si Thaddy Sayson ang number one councilor gina sundan nanday Israel Salanga, Cindy Rojas, Em Ang, Al Espino,Vladi Gonzales, Jason Villarosa, Kalaw Puentevlla, Simple Distrito, Celia Flor, kag Pau Sy.
Yara man sanday incumbent Vice Mayor El Cid Familiaran kag incumbent congressman Greg Gasataya kag incoming mayor Albee Benitez.