Shadow

Aktwal nga daylight abduction sa Bago City nakuhaan sang video

YouTube player

Ini ang video nga ginpadala sang wala nagpakilala nga persona sa pamilya ni Johnson Garfil, 32 anyos. Si Johnson ang lalaki sa video nga gina tulod pasulod sa sini nga avanza nga wala sang plate number.

Ginbanggaan siya sang duha ka mga lalaki nga naga sakay sa motor kag gin pilit pasakay sa salakyan. Naka helmet ang duha kag naka hoodie gani indi makita ang hitsura.

Wala man sang plaka ang ila nga mga motor pero makita ang stickers sa ila nga mga motorsiklo nga amo ang posible maka tudlo kun sino sila.

Ang motorsiklo kag pila ka mga pagkabutang na lang sang biktima ang nabilin sa lugar sang insidente.

Suno sa hepe sang Bago PNP nga s Lt. Col. Joem Malong, dako ang pasalamat nila sa pagtuhaw sang video. Dako ini nga bulig sa ila nga imbestigasyon.

“It helped a lot on the at least na klaruhan naton ngaavanza gale ang gina pangita naton kag indi innova and secondly is may markings man to sa mga motor although bal-an kun sin-o to siya considering nga wala to siya sang plaka ang mga motor nga involved wala man plaka ang the markings amo lang gid to ang nakita naton and wala sang faces nga makita naton but still it helped a lot,” suno kay Malong.

Isa sa mga angulo sa karon nga gina lantaw sang pnp amo ang rape case nga gina pangatubag sang biktima. Bulan sang Nobyembre siya naka gwa sa bilangguan pero naga padayon pa ang hearing sa kaso kag dapat kun tani sang kahapon may hearing pa sila. Pero antes sang hearing gin abduct na si Johnson.

“So we are trying to retrieve the records noh kun sino ni siya ang victim diri nga nag file sang kaso against sa iya kay para we consider it as one of the angles man,” suno kay Malong.

Ginpang review liwat ang tanan nga mga CCTV cameras sa area para mabal-an kun diin naghalin kag diin nagpalagyo ang salakyan sang mga suspek.

Ang amay sang biktima nagpadulong man sa PNP matapos mabalitaan ang natabo sa iya anak. Naga paanwagan siya sa kun sino man ang nagkuha sa iya nga kun tani indi lang pagsakiton.

“Gina panawagan ko lang sa naghimo, kun ano gid man ang himuon nila sa bata ko tani indi lang nila pagsakiton maluoy man sila tani kun ano pasensyahon lang nila kay wala man sala ang bata ko mong,” suno kay Edgardo Garfil, amay sang biktima.

Kaina nagpadulong sa Cauayan ang mga imbestigador sang Bago PNP para maka kuha pa gid sang dugang nga impormasyon sa background sang biktima. Taga La Carlota City ang iya ginikanan pero siya ang naga puyo na sa Cauayan.

Secured By miniOrangeSecured By miniOrange