Air Quality sa Ara-al Station sa La Carlota City ang nag improve na.
Ini base sa nagapadayon nga air quality monitoring sang Environmental Management Bureau sang Department of Natural Resources sa Kanlaon Volcano sampling sites, evacuation center kag iban nga areas sagwa sang isla sang Negros.
Sa December 12 Air Quality Monitoring result sang Environmental Management Bureau Western Visayas ang Air Quality Index ukon AQI sa Ara-al nga sadto unhealthy ang karon fair na.
Kun unhealthy ang air quality, suno sa EMB gina -abisuhan ang mga yadtong may respiratory issues kaangay sang asthma nga likawan ang outdoor activities.
Samtang, sa amo nga report nakasaad man nga nagapabilin nga good ang AQI readings sa La Castellana Station.
Ang tanan man nga monitoring station sa Oton kag Pavia sa Iloilo ang naga pabilin nga good ang reading.
Ang air quality suno sa EMB naga depende sa pollution sources kasubong man sa meteorological factors kag mahimo nga maga lain sa kalawigon sang panahon.
Gina abisuhan sang EMB ang mga pumuluyo labi na ang yadtong sa affected areas nga mangin updated sa air quality information kag mag sunod sa health advisories agudto mapangapinan ang ila nga ikaayong lawas.