Ginbuksan Miyerkules sang aga ang AHRANO Porkshop sa tinutuyo nga mabuligan ang mga hog raisers sa marketing sang ila nga produkto.
Sa Fiesta Market sa Ayala Malls Capitol Central ginbuksan ang porkshop sang Aliance of Hog Raisers Association in Negros Occidental nga gina lauman makabulig sa local nga mga hog raisers sa pagbaligya sang ila nga mga produkto.
Paathag ni Pastor Ric Lauron ang presidente sang AHRANO estable na karon ang presyo sang baboy pero mga duha ka bulan ang nagligad nagbaha ang supply sa probinsya matapos maapektuhan ang shipment sa ginpatuman nga lockdown sa National Capital Region.
Nadagdag ang presyo sang live weight sadto sa 100 tubtob 105 pesos kada kilo gikan sa 130 tubtob 140 suno kay Lauron.
Suno kay Negros Occidental Governor Eugenio Jose Lacson ang porkshop suporta sang probinsya sa local hog raisers. Kaupod man diri ang San Miguel Purefoods nga nag hatag sang assistance sa marketing.