Panibag-o naman nga robbery holdup ang nag luntad kagapon sa Barangay Inayauan sa Cauayan kun sa diin isa ka ahente kag driver sang pharmaceutical incorporation amo ang gin biktima.
Sandig sa imbestigasyon sang PNP, ang mga biktima ang nag deliver lang sang mga items sa baligyaan sang hinali sila pondohan sang motor sakay sang tatlo ka persona.
Didto na sila gintayaan sang armas kag nag deklarar holdup. Didto na nakuha sang mga suspek ang masobra 40,000 pesos nga cash lakip na ang cellphone sang duha ka biktima kag wallet.
Padayon karon ang imbestigasyon sang kapulisan angut sa identity sang mga suspects.