Nagatambong lang kahapon sa Charter Anniversary sang siyudad sa Kabankalan City Public Plaza si Vice Mayor Miguel Zayco sang gin snatch ang iya sini nga duha ka cellphone nga nasulod lang sa iya nga shoulder bag.
Nagabalor sng 130,000 ang bili sang duha ka cellphone. Suno kay Police Lt Jomel Salarda, Deputy Chief sang Kabankalan PNP, nag pangayo sang bulig ang bise alkalde sa PNP matapos iya man ma trace ang iya nga cellphone paagi sa GPS.
Gintrack ini sang kapulisan kag ila ginlagas ang GPS nga nagadalagan padulong Himamaylan. Didto na ila na corner kag gin hold ang motorsiklo nga sakay sang tatlo ka persona nga amo ang may uyat sang kinawatan nga cellhpone.
Naaresto sang PNP ang mag live in partner nga si Melivn Cosio kag Rose Linao pati na ang himata sang lalaki nga si Wowie Uy. Tigayon man na recover sa ila ang cellphones ni Vice Mayor Zayco. Lunsay mga pangayaw lang ang tatlo sa siyudad suno sa pulis. Kaso nga theft ang ipasaka batuk sa ila.