Acting Election Officer sang Comelec-Himamaylan ang nagalaum nga mabayaran ang masobra 200 ka mga manunudlo nga ila gin-hire bilang election support staff sang nagligad nga Barangay kag SK ELections.
Suno kay Romeo Palma ang Acting EO, 211 ang ila nga na-hire bilang election support staff.
Wala nila matalupangdan ang last paragraph sang Section 143 sang Comelec Resolution 10924 kun sa diin naka saad nga wala naga apply sa Barangay kag SK Elections ang pag hire sang support staff.
Indi man siya ang nag patuman sang hiring pero bangud sang command responsibility iya nga gina atubang ini lakip na suno sa iya ang ano man nga posible penalidad ukon administrative charges.
Suno kay Palma, na serbehan na sang mga manunudlo ini kag naga laum siya nga kuntani sila ang mabayaran.
Masobra sa isa ka milyon ka pesos ang ila nga kabilugan nga honorarium.
Damlag pa ang Comelec nag pa gwa na sang press statement nga ila pagabayaran ang 660 nga na hire bilang election support staff sang Kabankalan.
Comelec Officer sang La Castellana si Palma sang nagligad nga election kag gin-assign bilang Acting EO sang Himamaylan sang BSKE.
“Personally wala kami sang inugbayad sina sa ila. Amo na gani nga gina hope namon nga mapadasig. Kun mag desisyon gid man ang COMELEC nga bayaran regardless kun ano man nga penalty or kaso nga I-file sa amon administratively ang pangamuyo namon nga mabayaran. Kay ang reality nag duty nga sila”, suno kay Palma.