Pwede na suguran sang Bacolod LGU ang pag-develop sang kapin 17 hectares nga propiedad sa tion nga mabayaran na sang 85 percent sang P268M ang Pamilya Yanson nga nagbaligya sang duta sa Barangay Vista Alegre.
Ini matapos nga gin-ratify na sang konseho ang kasugtanan sa tunga sang siudad kag property owner angut sa land acquisition.
Suno kay Secretary to the Mayor Atty. Karol Joseph Chiu, tuyo sang siudad nga himuon bilang dugang nga relocation site ang nabakal nga mixed-use lot.
Ang duta ang kaiping lang sang Progreso Village relocation site sa Barangay Vista Alegre.
Magluwas diri plano man sang siudad nga baklon ang malapit 2 ka estarya nga duta sang Pamilya Yanson sa kilid sang Burgos Market sa Barangay 19 agud nga tukuran sang bag-o nga merkado.