Nagsugod na abot sini nga adlaw ang automated counting machines para sa Negros Occidental.
Sa puerto sa Bacolod nag-abot ang mga ACM nga pagagamiton sa Mayo nga piniliay.
Makita nga gin-escort sang uniformed personnel ang mga ACM.
Suno kay Bacolod Elections Officer Atty Revo Sorbito may tatlo ka mga container van nga naga unod sang ACM ang nag-abot kaina.
May maga abot pa gid.
Suno kay Provincial Elections Supervisor Ian Lee Ananoria, tubtob bwas may maga abot nga mga ACM.
Abril 12 sang may nag-abot nga mga ACM sa Negros Oriental kag may nalakip na diri nga para sa tatlo ka mga banwa kag siudad sa Negros Occidental suno sa COMELEC.
Ginsiling ni Regional Director, Lionel Marco Castillano nga sa hub sa Bacolod iga store ang mga ACM.
Humalin sa pag-transport sini padulong sa warehouse may nagakaigo nga security suno kay Castillano.
Abiso naman niya sa mga political parties may kaangtanan sa transparency kun luyag nila nga ma-monitor ang pag abot sini, sila ang maga pakig-angut lamang sa talatapan sang Provincial Elections Supervisor agudto sila ang mahatagan sang permiso bahin diri.
“May nakalaan na rin na security doon. In the spirit of transparency, kung gusto ng political parties, kung gusto nilang mag lagay ng watchers pwede niyong gawin niya. Maki pag coordinate lang kayo kay Provincial Elections Supervisor Atty Ian Ananoria. Pwede niyong makita ang pagdating, makita niyo ang warehouse. With proper coordination lang po kasi may security tayo doon”, suno kay Castillano.