Sa Mayo 15 i-deploy sang Public Employment Service Office sang Bacolod City ang 975 ka pamatan-on nga nagpakigbahin sa summer job 2026.
Ginsiling ni Jovelyn Canoy, PESO Coordinator nga 200 diri ang yara sa idalum sang Department of Labor and Employment samtang 775 naman ang sa idalom sang Bacolod City Government.
Lakip sa mga nahatagan sang slots ang mga out of school youth, junior kag senior high school students, kag mga graduating students.
Bente ka adlaw ang kinahanglan nga obrahan sang mga benepisyaryo. Suno kay Canoy, luyag sang siudad nga i-deploy ang iban nga pamatan-on sa mga barangay agud mag census kun pila ka porsyento sang Bacolodnon nga naga edad 18 tubtob 30 anyos ang wala pa sang trabaho.
Samtang ang mga graduating students ang iga-assign sa mga talatapan sang gobyerno para sa posibilidad nga mahire sila pagkatapos sang ila graduation.
Matapos ang 20 ka adlaw nga obra, mabaton sang mga benepesaryo ang ila nga sweldo. 9,600 pesos ang mabaton sang mga pamatan-on nga yara sa idalum sang Bacolod City Government samtang 12,400 naman ang sa DOLE.
Puno na ang slots sang summer job sini nga tuig.*
[sibwp_form id=1]