Siyam ka Covid deaths ang na record sang Negros Occidental sa sulod sang una nga duha ka semana sang Setyembre.
Ang pinaka ulihi nga report sang Covid deaths sa probinsya na-record sadtong Setyembre 13 – apat.
Suno kay Provincial Administrator Rayfrando Diaz, ang nabaton nga impormasyon sang iya talatapan amo nga kalabanan sang kaso sang Covid deaths mga unvaccinated.
Dugang pa niya, wala naga untat ang probinsya sa kampanya sa publiko nga mag pabakuna sa mga wala pa nadapatan sang bakuna kasubong man mag pa booster shot. Ginatutukan ang senior citizen.
Sa September 10 nga report sang Provincial Health Office, 59.97 percent sa target nga mabakunahan sa A2 category ukon senior citizen ang nalab-ot. Labing importante nga mapangapinan ang kaugalingon batuk sa virus suno kay Diaz, labi na karon nga gina tugutan na ang pagkakas sang face mask sa open spaces.
As of September 14, 159 ang active cases sang Negros Occidental sa report sang Provincial Incident Management Team.
Sa September 13 nga datus, 38 naman na admit sa ospital sa Cadiz bangud sang Covid.