Sandig sa record sang Public Employment Service Office sang Bacolod City, may 88 ka mga job seekers ang na hire-on-the spot sa ginpatigayon nga Job Fair sang Department of Labor and Employment sang Mayo 1.
Ginsiling ni Jovelyn Canoy, PESO Bacolod Coordinator, kalabanan sa mga na hire-on-the-spot, mga fresh graduates kag senior high school students.
Ini ang mas mataas man ikumpara sa job fair sang tinalikdan nga tuig nga may ara sang 65 ka aplikante nga hired-on-the-spot.
Nagdangat sa kapin 3,000 ka mga job seekers ang nagpakigbahin sa sini nga job fair.
2,775 sa ila ang na-qualify sang mga kompaniya para sa interview.
Ginapaabot man sang PESO nga ang Bacolod City sa gihapon ang makakuha sang record bilang pinakamadamo nga applicants sa bug-os nga Pilipinas.*
[sibwp_form id=1]