Sa Disyembre 31 na maga takop ang kontrata sang IPM – Construction Development Corporation may kaangtanan sa garbage collection kag pag dumala sang sanitary landfill sang Bacolod City sa Barangay Felisa.
Suno kay Mayor Albee Benitez may walo ka na ka mga komboyahan ang nagpabutyag sang interes. Pero gina finalize pa sang siudad ang terms of reference para sa panibag o nga kontrata bahin diri.
Sarang pa ma extend sang siudad ang kontrata sang IPM – CDC sa siudad sa sulod sang tatlo ka bulan.
Ginsiling sang alkalde nga madamo pa sang kinahanglan ma develop agud nga masolusyunan ang problema sa basura sa siudad.
Luyag sang alkalde nga malakip sa kontrata ang bahin sa waste recycling program sa tuyo nga mabuhinan sang 80 porsyiento ang gina tambak nga basura sa landfill kag matagaan pa sang dugang nga palangabuhian ang pumuluyo.