Sa hearing nga ginpangunahan ni Councilor Cindy Rojas,pamuno sang Committee on Health napat-ud nga 76 na sa mga dialysis patient sang Bacolod Queen of Mercy Hospital ang nalatnan sang hepatitis C.
Indi pa mapat-ud kun diin naghalin kag paano nagsugod ang pagsaka sang hepatitis C sa mga pasyente sang ospital.
Pero bangud sang outbreak, ginpasiguro ni Rojas nga natagaan na sang atensyon ang kakulang sang machine kag hospital personnel sa hemodialysis center sang BQMH.
Kasubong man nga masabat ang kinahanglanon mga laboratory check-up kag pagpabulong sang mga dialysis patient nga nalatnan sang balatian.
Ang tiglawas sang BQMH ang nagpasalig na sang libre nga consultation, bulong kag laboratory works para sa mga pasyente nga nalatnan sang balatian.
Ini magluwas sa mass testing kag libre nga laboratory examination nga una na nga napalab-ot sang tagdumalahan sang ospital sa mga pasyente.
Nagpasalig man ang BQMH sang refund para sa medical expenses sang mga nalatnan sang hepatitis C.
Ginkalipay naman ni Alma Desabille,isa sa mga tiglawas sang mga tagreklamu nga bisan nangin malawig ang aksyon sa ila nangin reklamu natagaan sang nagakaigo nga atensyon sang hospital ang nagaluntad nga outbreak.
Nagtambong man sa hearing ang tiglawas sang City Legal Office kag Department of Health regional office.
Ginduso man sang City Health Office nga matigayon ang inspection sa ospital.