74 anyos nga lolo gikan sa Patag sa Silay City ang napatay bangud sang cholera.
Suno sa Provincial Health Office siya ang pinaka una nga kaso sang cholera kag pinaka una man nga fatality sa tuig 2023.
Sa kabilugan suno kay Dr Ernell Tumimbang kun ilakip ang kaso sang 2022, ika apat na siya nga napatay bangud sang cholera sa probinsya. Ika duha naman siya nga cholera fatality sang Silay. Enero 12 siya na admit sa ospital kag nagtaliwan pag ka Enero 13. Suno kay Tumimbang sa iya nga edad, high risk ang amo nga pasyente.
Ginpatigayon na ang water sampling suno sa PHO. Padayon man ang pagpangusisa sang PHO sa iban pa gid nga kaso sang diarrheal disease sa lugar. Sang 2022, may gin report man nga tig isa ka cholera death ang EB Magalona kag Murcia.